لسه ناوى ع الرحيل

تفتكر مالوش بديل ؟

أعمل ايه ؟ أعمل ايه فى الوحدة وانت مش هنا ؟

ومنين أجيب صبر لسنة ؟

من سؤال مهزوم بيترجى الجواب

مش بتقصد عينى يا حبيبى العتاب

سيبك انت من دموع العين وقوللى

هتاخد ايه فى شنطة سفر .. أو ايه فاضل لى ؟

خدت من صبرى وطريقى منتهاه

مش معاك نبضى اللى تاه ؟

خدت صورتى .. شوف كده لتكون نسيت عمرى وصباه

ولا احساسى بكيانى وبالحياة

أما حيرتى والعذاب دول ملكى أنا

هم أصحابى فى غيابك طول سنة

هتسافرى تانى وتبعدى ؟؟

يا وجع قلبى فى بعدك

من يدرى ؟

أضحك حتى تمتلىء عينى بالدموع

لا أحد يعرف أن الضحكة ليست من القلب

ولا أن تلك ليست دموع الفرح

المستحيلات الثلاثة

الحق .. العدل .. الصديق الوفىّ

مش عارفة ليه اليومين دول فى بالى دايما : عمنا صلاح جاهين

يأسك وصبرك بين ايديك وانت حر

تيأس ما تيأس الحياة راح تمر

أنا شفت من ده ومن ده وعجبى ما لقيت

اليأس مر وبرضك الصبر مر

يعنى ايه كلمة وطن ؟؟

منذ 3 أسابيع تقريبا وأنا أمرّ بأزمة صحية ألقت بظلالها على حياتى فغابت شمسها

كم أحسست بالخوف !! شعور غريب اجتاح قلبى وجثم على أنفاسى

يضطرنى الأمر للخضوع الى جراحة عاجلة

احنا بنسابق الزمن .. كلمة كنت بسمعها كتير فى الأفلام العربى

ولم أدرك حينها أننى سأضطر فى يوم ما أن أسابق الزمن

سألت نفسى مرارا وتكرارا : اذا كنت وحيدة كما كنت طوال سفرك ، كيف كنت سأحتمل هذه المواجهة الشرسة مع المرض ؟

ولأن الله سميع قريب مجيب الدعاء

أعادك الله سبحانه وتعالى لى فى الوقت المناسب

وكم كنت حبيبتى دائما سندى فى الوقت المناسب

حبك حياة .. حبك أمان

حبك رسالة من الزمان

حبك أمانى فى العيون

والروح علشان حبك تهون

يعنى ايه كلمة وطن ؟؟

يعنى قلبك انتى .. يعنى حضنك انتى

وطنى جواكى انتى

حبيبتى شيماء : الحب المناسب فى الوقت المناسب

حبيبتى رجعت

هيّ غربه ولا توهه ولا حبك والسلام

خلا قلبي ينطلق يتولد فيه الكلام

ولا كنتي في نبض قلبي قبل مايكون الوجود

ولا حبك ع الجبين إنكتب من غير حدود

سفرك وبعدك أوقف قلمى عن الكتابة

وعودتك بعثت فيه الروح من جديد

دامت لى صداقتك

حمدالله على السلامة يا حبيبتى .. نورتى قلبى ودنيتى من تانى

بلاش تفارق

خليك هنا خليك .. بلاش تفارق

وحشتينى جدا .. الدليل الوحيد على انى عايشة ان عينى مفتوحة

وغير كده ماشية فى الدنيا بقوة الدفع

مفيش حاجة ليها طعم من بعد سفرك

كنا دايما بنستنى اننا نعمل حاجات كتير مع بعض

لأ .. كنا بنعمل كل حاجة مع بعض

صوتك المخنوق لما بكلمك فى التليفون بيدبحنى

هتعمل ايه لو نمت يوم وصحيت ولقيت أقرب ما ليك فى الدنيا مش حواليك

مش قادرة أتصور انى هاقعد سنة وانتى مش جنبى

ربنا يهون علينا البعد

بصراحة اللى قال ان البعيد عن العين بعيد عن القلب مش بيفهم حاجة خالص

أنا كل يوم بحبك أكتر

مش شايفة ليه وعينى مفتوحة .. وازاى أغنى وروحى مجروحة

لسه حمى الاشتياق ملازمانى ليل نهار

بحاول أشتغل وأتكلم وأخرج وأكتب وأضحك

بس كل حاجة بعملها من غير طعم ولا لون

نمنا على الشباك نخبى دمعة فرت مننا

حبيبتى شيماء : وحشتينى

The page cannot be displayed

عند الفراق .. إجعل وداعك لوحة من المشاعر يستميت الفنانون لرسمها ولايستطيعون

حاولت أن أقنع نفسى بهذه الكلمات عند لقاء حبيبتى قبل السفر

حاولت أن أتنفس وأتكلم

حاولت أن أقرأ وأكتب وأغنى

ثم حاولت الحياة بعد سفرها

فأبت كل أعضاء جسدى الانصياع لأوامرى

حادثت قلبى فلم يستجب .. حاورته ليفتح الباب لحب جديد

فوجدته مكتوبا عليه

The page cannot be displayed

غاليتى : شيماء

قلبى عيونك بلاده

حبك لحظة ميلاده

كل ما تكونى قصاده

الدنيا ما بتساعهوش

لأنتظر عودتك لى سالمة مرة أخرى .. لأنتظر عودة الروح