حاجة غريبة

افلاس فكرى غريب

القريحة مش شغالة خالص

مفيش حتى فكرة نفسها تتكون فى دماغى

هروب جماعى للأحاسيس والأفكار

ومع ذلك طالع فى نافوخى انى لازم أكتب

ومش عارفة أكتب ايه

والنبى يا جدعان

لو دى حالة عامة طمنونى

ولو وباء انتشر وتمت مقاومته بلغونى

بس سيبكم من ده كله

تخيلوا اننا فى منتصف شهر رمضان

يعنى كمان أسبوعين ورمضان هيسيبنا ويمشى

أنا مش فاهمة مستعجل ليه ؟ وراه ايه يعنى ؟

أصلى أنا بموت فى شهر رمضان ده يا ولاد

سيبكم من ده كمان

مع انى بحب شهر رمضان وكل حاجة

بس مشكلته الوحيدة ان فترة شغلى فى الصيدلية بيتقصف عمرها

علشان ألحق الفطار فى البيت

وبالتالى المرتب كمان بينضرب بالنار وبيتقصف عمره

بس أحلى حاجة ان الناس فى رمضان بتحاول تبقى مؤدبة

الا انهم مش بيقدروا يبطلوا كذب

داء بعيد عنكم

بس الدنيا زحمة أوى اليومين دول

ولا هىّ على طول زحمة وأنا اللى بنسى

اسكتوا

مش أنا نسيت مفاتيح الصيدلية جواها من كام يوم

وقفلت ومشيت بالنسخة اللى معايا

وسبت الأصل جوه الصيدلية

الشهادة لله

صاحب الصيدلية كان مبسوط منى جدا

والحق يقال

هوه مستحملنى وشايف منى كتير

بس لذيذ وبيسمع كلامى

علشان كده فيه بيننا لغة حوار

بس أغلس حاجة بقى ان موبايلى اتسرق

والله يا بشر كنت بحبه أوى

أصلى جايباه من 6 شهور بس

واتسرق من شهر

على رأى واحدة صاحبتى

ان شالله ما يوعى يتهنى بيه

ايه كل الرغى ده ؟؟

كفاية عليكم كده .. باى باى بقى

اللهم بلغنا رمضان

كل عام وأنتم بخير

لا تشتكى وتلوم

عمر الحزن ما يدوم

والعمر فيه كام يوم

علشان نعيشه فى آه

فقدتك .. يا أعز الناس (2

عذرا أصدقائى وصديقاتى

فمصيبتى فى فقدان صديقتى مازلت تلقى بظلالها على حياتى

مازلت أريد البوح

حتى الآن لم يستطع النسيان ولا استطاعات الأيام

تضميد جراح قلبى الضعيف

كانت عن نفسها قليلة الكلام

ولا يتناسب هذا الموقف أن أحكى عنها أحاديث عشق وغرام

فالصمت فى حالتنا أبلغ من الكلام

فماذا أقول عنها ؟

انها أكبر من الحروف وأقوى من الكلمات

لم أعرف معها معنى بروتوكولات الخسارة

لأنها دائما ما كانت مكملة لكيانى

روت بداخلى روح التحدى بماء حبها

واشترت صداقتنا بسنين عمرها

كانت وستظل واحة تسكن فيها أحلامى

صديقتى وكنز حياتى

لست فى محفل أستطيع ذكر كلمات أكثر فيه

انا لله وانا اليه راجعون

اللهم انى لا أسألك رد القضاء

ولكنى أسألك اللطف فيه

ولتكن رحمتك