voice of love

Saturday, April 28, 2007

يوميات صيدلانية طالع عينها

ساعات كده الواحد بيحس انه اتدبس

آه والله

والتعامل مع الجمهور بقى أكبر تدبيسة فيكى يا دنيا

أنا بقى لما اتخرجت افتكرت ان الناس هتفرش لى الأرض ورد .. ما أنا الدكتورة

وقفت فى الصيدلية وشفت الهنا المستعجل

تخيل مثلا ممكن حد يتعب نفسه ويهز طوله ويدخل عليك الصيدلية .. ليه ؟؟

علشان يسألنى الساعة كام ؟

وطبعا أول ما بيدخل نروح هاجمين عليه علشان نخطف منه الروشتة المزعومة

ونلاقيه فى الآخر بيسأل عن الساعة

بالذمة والنبى مش حاجة تغيظ ؟؟

أو بنت صغيرة تدخل تقولك

ماما بتسلم عليكى وبتقولك عايزة ازازة الدوا اللى لونها من جوه أخضر

وابدأ انت بقى التنجيم أو اضرب الودع أو افتح المندل

زى ما انت عايز

ويا سلام بقى لما حد يدخلك بروشتة ويطلب منك معرفة الأسعار

تقوله مثلا 50 جنيه

تلاقيه يرفع حواجبه لحد ما توصل جنب كوكب المريخ

ويفتح بقه لحد ما تدخل فيه عربية نقل

ويقولك : الدوا عندكم غالى كده ليه

قال يعنى أنا اللى جايبة التسعيرة من بيت أبويا

ولو حد دخل عليا بيسألنى على حاجة

ألاقى مثلا ان الموضوع أكبر من انى أتكلم فيه

أقترح عليه انه يروح لدكتور تخصص معين

ساعتها بقى أطلع أنا الدكتورة الفاشلة اللى عمره ما هيدخلها صيدلية

مع انى كان ممكن أفتى له وأضيعه

بس من باب الأمانة بعمل الصح اللى بيزعل دايما

ومن مبادىء الصيدلة فى هذا الزمان العجيب ان الواحد لازم يكون عارف الآتى

السريع : المقصود بيه أقراص أوبلونج نوفالجين اللى اتلغت فى الدنيا بحالها ما عدا بلدنا

الفرورست : يعنى أقراص الفلورست

ال 75 : أقراص أنافرانيل 75

الأرطة : المقصود أقراص المغص

وخد من ده كتير بقى

ولو كان فيه باقى لزبون مثلا بيبقى عايز بالباقى كبريت

يا صلاة الزين

ده الواحد كره العيشة واللى عايشينها واللى هييجوا يعيشوها بعد كده

أقول حاجة فى الآخر والنبى

حسبى الله ونعم الوكيل

وصبرنا يارب

Wednesday, April 25, 2007

فرى ميكس

عندى حالة ملل .. بفقد فيها الأمل
مش عارفة عايزة ايه .. مش عارفة رايحة فين
محتاجة أشوف حاجة .. تسعد قلبى الحزين
ليتها تعود تلك الأيام التى ولت
عندما كنت أعرف للسعادة معنى
وأتلذذ بطعم الابتسامة على شفتى
كنت أشعر وقتها أنى أسوق الحياة أمامى
ولكنها تسوقنى الآن
يمكن محتاجة حب يهزنى ويلفنى ويجيلى من كل اتجاه
يمكن محتاجة قلب يحسنى
ويرد كل مشاعرى تانى للحياة
أعتقد أننى وقتها سأشعر بعقلى يدق فى قلبى
نفسى أرجع لنفسى
وأنده على الأيام
وأملك كل اللى نفسى
يوصلنى من الأيام
احساسى باللى جاى
احساس دنيا الأمل
بس اللى أنا عايشاه دلوقتى أكيد .. ملل

أين تلك الأيام التى كان فيها الليل صديقى
والقمر رفيقى
ولماذا أصبح الآن الأرق عشيقى ؟؟
نفسى أكون حرة .. حتى ولو مرة
نفسى أقوم من النوم .. ومكونش مضطرة
لا قيود ولا مواعيد .. أحلم بحلم جديد
أو حتى محلمشى
يكون فى عينى دموع .. أخرج من الموضوع
أنسى الحياة وأمشى
احساس غريب يتملكنى
أشعر به ولا أعرف له اسما
انه كالجنين .. يتحرك فى الأحشاء
ولا تعرف ان كان ولدا أو بنتا
أرمى بايدى الحجر .. يكسر ازاز البيت
ولو انه يعنى خطر .. لكن أكون حسيت
حسيت ولو مرة .. انى صحيح حرة

لعلها أحلام أود تحقيقها
آه .. الحلم
بحلم على قدى .. بشراع يعدينى
بشموع تدفينى .. بعيون تصون ودّى
بحلم بليل هادى .. بالضّى متهادى
بنهار برىء عادى .. يفتح طريق نبضى
بحلم بسكتنا .. بتغنى غنوتنا
ولا خوف يسكتنا .. ولا ريح تكون ضدى
بحلم بدنيانا .. شايلانا عشقانا
بالكل فرحانة .. مش ليا أنا وحدى

انتهت القصة

ولم أعرف أين أنا من كل هذا الذى فى داخلى
ولا أعرف ان كنت فى داخلى
أو فى خارجى
أو فى أى مكان
وصرت أركض وأركض
وأرمى أوراقى فى الهواء
فتناثرت هذه السطور

اللون الأحمر مقتطفات من أغنيات .. على الترتيب

حالة ملل : سميرة سعيد
نفسى أكون حرة : حكمت
بحلم على قدّى : مدحت صالح

Monday, April 16, 2007

كش ملك

سأكتب اليوم كما لم أكتب من قبل

وسأصرح بمشاعر لم أصرح بها من قبل

وسأعلن عما لم أكن أتصور نفسى أننى سأعلنه

وسأحدثكم عما لم أكن أقبل أن يعرفه عنى أحد

حلمت بمدينة فاضلة وبنيتها وتنفستها وعشت فيها

مدينة كل قاطنيها من المحبين وذوات الاحساس الراقى والنفس العفيفة

والقلب الطيب والمشاعر النبيلة

ولم أكن أعلم أن الحياة معركة تجيز كل فنون الحرب من القسوة والتلون

والمكر

وعليك أن تحمى نفسك من الاصابة بالخطر

ورغما عنك يطولك الخطر وتصاب

ولا تعرف من أصابك .. هل هو العدو أم النيران الصديقة ؟

بحثت عن المأوى من هذا الخطر فلم أجد مأوى فى عين أو أذن أو قلب

فلا أحد يرانى حين أبكى ولا أحد يسمعنى حين أشكو

وكثيرا ما حاولت أن أمد يدى للحياة لأصافحها فلا تجد يدى اليمنى سوى

يدى اليسرى لتصافحها

فأصافحها وأقنع بهذا الصديق الجديد

وأرجو ألا يطلب منى أحد البحث عن السعادة

فانها ليست بأزرار تضغط عليها فتصبح سعيدا وتطفئها عند النوم

يقولون أن الذى يحصى همومه ويحسبها ويعرف لها أولا وآخرا هو الذى

يستريح وكما يقولون يعرف راسه من رجليه

ولكن الكثيرين أمسكوا بمسابح طويلة وراحوا يحصون همومهم

فاذا أصابعهم تتحول الى مسابح واذا المسابح تحصى المسابح

واذا هم ينسون العدد وتصبح الهموم بلا عدد

أتذكر مقولة للكاتب الراحل عبد الوهاب مطاوع : أقسى من الجرح أن

تتظاهر بأن ليس بك جرح وأنت الجريح حتى الموت

وظللت أتظاهر بالسعادة وأتصنع الضحكات وأرسم على شفتى الابتسامات

حتى مللت وفاض بى الكيل

أعلم أن السعادة تتمثل فى الحب والرضا ولا أملك الآن سوى الرضا وعلىّ

الاكتفاء به

ولكنى أشتاق لهذا المسمى المفقود المدعو : الحب

كنت بالأمس فى رحلة خارج القاهرة مع مجموعة من أقرب الأصدقاء لقلبى

ورغم أنى كنت سعيدة لاحساسى بأنهم سعداء

الا أننى كنت أطمع أن أجد بينهم الدفء الذى يخفف عنى برودة وقسوة

الحياة

ولكن الحياة أولويات

لا أخفى أننى شعرت للحظة برغبة أن أصرخ فيهم طلبا للدفء الضائع

لعل أحدا يحاول أن يضمنى لصدره

وكالعادة .. لم أصرخ .. لم أطلب .. فقط التزمت الصمت وشردت بفكرى بعيدا

فى محاولة لتخيل قلب يشعر وصدر يضم

ومر الوقت دون أن يشعر بى أحد

ان مثل هذه الحياة تبدو كصندوق الموسيقى يعزف ألحانا جميلة .. ولكنها

جنائزية

ولعلها حتى لا ترقى لصندوق الموسيقى

بل هى بالفعل معركة

وبغض النظر عمن سيهزم الآخر فأنا ومن الآن أرفع الراية البيضاء

ليس استسلاما ولكن اتقاء لشرها

الحياة قالت لى : كش ملك

ولهذا آثرت الانسحاب بجنودى من مملكة الحياة قبل أن تأسرنى

وعلى هذا أصدقائى وصديقاتى

أطلب حق اللجوء العاطفى الى قلوبكم

فهل من متسع ؟؟

Saturday, April 07, 2007

الأنيميا

الأنيميا التى أقصدها ليست نقصا فى نسبة هيموجلوبين الدم

ولكنها نقص فيتامين ح

هذا الفيتامين هو الأهم بين كل الفيتامينات المطلوبة للجسم

فهو فيتامين لازم للقلب والروح

فيتامين ح .. فيتامين حب وحنان

ويبدو أن الجميع يشكو من نقص هذا الفيتامين

وأعانى قبل الجميع

فقد أفرغت مخزون الفيتامين على كل الأحباب والأصدقاء

وانتظرت الامداد والتموين منهم لاعادة شحن المحتوى الفارغ

الا انهم كانوا يتصدقون بالكلمة كما كنت شحاذة جائعة

ورغم أنى لا أطلب سوى قليل يحيينى ويقوى قلبى

الا أننى حتى لم أجد ذاك القليل

أحيانا أشعر أننى أغلف نفسى بالكآبة

ولكن سرعان ما أحاول ازالة غبار هذه الأفكار من رأسى

فأنا لا ذنب لى سوى العيش فى المدينة الفاضلة

تعبت

وأين هذا الشخص الذى لا يتعب ولا يمل ؟؟

أين ذاك الشخص الذى لا يتغير أو يتبدل ؟؟

أقسم أن لو كان للأهرامات قلب وروح لتحطمت منذ آلاف السنين

بفعل ما تشهده من قسوة البشر

رسالة الى غلاظ القلوب

يا صاحب الروح الباردة والقلب القاسى

هل تقف وحدك ؟؟

لماذا ؟؟

مد يدك الى الناس

كن شجرة لها جذور ممدودة فى الأرض

وأوراق ممدودة فى الهواء

وأحلام ممدودة الى المستقبل

أهم ما فى الحياة : الناس

وأسوأ ما فيها : الناس أيضا