حاجات بتسعدنى

بناء على طلب جدو .. أكتب اليكم الحاجات اللى بتسعدنى

يمكن تكون حاجات غريبة بس بتفرحنى

بحب أقف فى البلكونة أو أمشى فى الشارع قبل المغرب بربع ساعة فى شهر رمضان

لما آخد طفل صغير فى حضنى

لما بحس بالحب من الناس اللى حواليا

لما بشوف منظر جميل فى الشارع

لما بنجح فى دراستى

لما نتلم أنا وعائلتى ونقعد نتكلم

لما بكتب قصة حلوة او ابيات شعر تعبر عن مشاعرى

لما الأهلى يكسب بطولة

لما أشوف علم مصر بيرفرف فى أى محفل دولى

لما اشوف عالم مصرى بيفوز بجايزة عالمية

لما أكون جعانة وآكل أكلة بحبها

لما بصلّى بالليل وكل الناس نايمة وأبكى قدام ربنا

بفرح لما بكسب صديق جديد

بفرح لما العدد الجديد من مجلتنا ينزل وألاقى زوار الموقع كتير

بفرح لما بلاقى الناس فرحانة

لما أكون تعبانة جدا من كتر الشغل وأرجع البيت وأنام

بفرح لنجاح اختى

ولما ألاقى ابويا وأمى كويسين وبصحة جيدة دايما يارب

لما بتجيلى رسالة حلوة على الموبايل

لما قابلت اصحابى وفاء وأمنية وهالة وداليا ورقية

لما اتعرفت على أسرة مجلتنا علّى صوتك

بفرح طول ما أنا عايشة فى رضا ربنا

بفرح بتواصلكم معايا وبردودكم الجميلة اللى بتسعدنى وبتحسسنى انكم جنبى

يارب دايما كل الناس تكون سعيدة