voice of love

Saturday, April 07, 2007

الأنيميا

الأنيميا التى أقصدها ليست نقصا فى نسبة هيموجلوبين الدم

ولكنها نقص فيتامين ح

هذا الفيتامين هو الأهم بين كل الفيتامينات المطلوبة للجسم

فهو فيتامين لازم للقلب والروح

فيتامين ح .. فيتامين حب وحنان

ويبدو أن الجميع يشكو من نقص هذا الفيتامين

وأعانى قبل الجميع

فقد أفرغت مخزون الفيتامين على كل الأحباب والأصدقاء

وانتظرت الامداد والتموين منهم لاعادة شحن المحتوى الفارغ

الا انهم كانوا يتصدقون بالكلمة كما كنت شحاذة جائعة

ورغم أنى لا أطلب سوى قليل يحيينى ويقوى قلبى

الا أننى حتى لم أجد ذاك القليل

أحيانا أشعر أننى أغلف نفسى بالكآبة

ولكن سرعان ما أحاول ازالة غبار هذه الأفكار من رأسى

فأنا لا ذنب لى سوى العيش فى المدينة الفاضلة

تعبت

وأين هذا الشخص الذى لا يتعب ولا يمل ؟؟

أين ذاك الشخص الذى لا يتغير أو يتبدل ؟؟

أقسم أن لو كان للأهرامات قلب وروح لتحطمت منذ آلاف السنين

بفعل ما تشهده من قسوة البشر

رسالة الى غلاظ القلوب

يا صاحب الروح الباردة والقلب القاسى

هل تقف وحدك ؟؟

لماذا ؟؟

مد يدك الى الناس

كن شجرة لها جذور ممدودة فى الأرض

وأوراق ممدودة فى الهواء

وأحلام ممدودة الى المستقبل

أهم ما فى الحياة : الناس

وأسوأ ما فيها : الناس أيضا

13 Comments:

  • At Sun Apr 08, 10:46:00 AM 2007 , Anonymous Anonymous said...

    اولا انا سعيد انى اول كومنت على البوست ده
    ثاينا انا اول مرة ادخل البلوج بتاعك بس بجد جميل جدا
    ثالثا البوست تحقة بجد
    وعلى فكرة
    الكل فعلا عنده الفيتامين ده بس هو ممكن يكون مش متأكتف يعنى مش فعال
    لأسباب كتير
    ممكن فقده من الاخرين
    ففاقد الشىء لا يعطيه
    وممكن اول الظروف المحيطة اللى كتبت على البعض التعامل بنوع من الحدة والقسوة والجدية الشديدة اللى دفنت فيتامين ح
    بس فى كل الحالات هو موجود
    وعاوز اللى يفعله مش اكتر

    بجد هايل

    تحياتى

     
  • At Sun Apr 08, 06:43:00 PM 2007 , Blogger مـحـمـد مـفـيـد said...

    اجمل ما فيالدنيا الناس
    واسوء ما فيها بعضهم

    الحب موجود والحنان موجود ولكن الغبار الذي يغلف الحياه يجعلنا لا نراه

     
  • At Tue Apr 10, 09:04:00 AM 2007 , Blogger KING TOOOT said...

    في الدنيا ياما كتير من البشر ملايين
    فيهم بشر للخير و كمان بشر فاقدين
    لو مره يوم إلتقيتي الحب ضاع من ناس
    حاتلقي نفس الحب موجود في ناس تانيين
    و عجبي
    _________________
    KING TOOOT

     
  • At Thu Apr 12, 01:17:00 PM 2007 , Blogger bosbos said...

    يااااااااه صح جداا
    اهم ما في الحياه الناس و اسوأ ما فيها الناس ايضا

    بس ليه الحزن ده كله يا دودو

    في ناس كتير قوي بتحبك و نفسها تساعدك و تقف جنبك

    وانا منهم

    و كل البلوجرز

    ربنا يبعد عنك الهم و الغم و يفرحك

     
  • At Fri Apr 13, 04:24:00 PM 2007 , Blogger hamasat said...

    والله عندك حق خلينا نحاول نبتكر كبسوله ليه يمكن تحل الازمه

     
  • At Fri Apr 13, 05:21:00 PM 2007 , Blogger Heba Al_Menshawy said...

    أهم ما فى الحياة : الناس

    وأسوأ ما فيها : الناس أيضا


    عجبنوني اوي الجملتين دول

    داليا يا جميلة حبي الناس وقدملهم كل اللي تقدري عليه من غير ما تستني هما هيعملوا ايه ... اكيد في يوم من الايام هتلاقي المقابل دا
    وكفاية انك تحسي انك انسانة فعلا لسة المادية والحياة السريعة بكل نتايجها السلبية مأثرتش فيكي ودي نعمة من عند ربنا ونادرة دلوقتي ... لكن في نفس الوقت ميكونش دا على حساب نفسك يعني اوزني وخلي شوية من الفيتامين دا ليكي انتي تشحني بيه نفسك بنفسك

    معاكي ان بعد فترة الواحد من كتر ما بيدي ومش بيلاقي مقابل بيزهق ويفكر يبطل يدي لاننا مش ملايكة
    بس عايزاكي تعرفي ان اللي مش بيعرف يدي الحب يعني مش حسه .. فاقد الشيء لا يعطيه ... يعني انسان تعيس في جميع الاحوال
    يكفي انك عندك وتقدري تدي

    خالص تحياتي يا قمر
    (f)

     
  • At Fri Apr 13, 07:29:00 PM 2007 , Blogger ody911 said...

    داليا

    أولا مرحبا بعودتك

    آسف إنها متأخرة بس أعزرينى

    كنت قد يأست من أن تكتبى مرة اخرى

    أعرف شعورك واحساسك المرهف

    وإهدار حبك على كل شئ وكل شخص

    نعم انه الحب

    هو يغزيكى وانتى تتغزى منه

    لا تستغربى فهذا من سمات برجك !!!

    ;)
    وعادى بقة
    أودى

     
  • At Sat Apr 14, 03:31:00 PM 2007 , Blogger malak said...

    بجد بوست حلو اوى
    عجبتنى اوى جمله اجمل ما فى الدنيا الناس واسوأما فى الدنيا هم الناس بجد معاكى جق


    بس يمكن الكل عنده فيتامين ح بس الغبار اللى حولينا هوا اللى بيخلى الناس مش شيفينوا

    تحياتى

     
  • At Sun Apr 15, 01:01:00 PM 2007 , Blogger Ma 3lina said...

    فيتامين ح دا بقى عملة نادرة جدااااااااا

    و حتى الناس اللى عندها تعبت اوى لانها بتدى و مبتاخدش

    و بطلت حصلها
    deficiency
    فى الفيتامين

    انا ضربت صح متاخديش على كلامى بوست جميل اوىى

     
  • At Sun Apr 15, 09:41:00 PM 2007 , Blogger الســـاحر said...

    الله الله على الفكره الرائعه الجميله
    انيميا الحب
    بجد جميله جدا
    وتعبيرك عنها رائع
    بجد انا شرفنى زيارتك
    وفى النهايه ربنا يوفقك

     
  • At Mon Apr 16, 08:29:00 AM 2007 , Blogger الربان said...

    تحياتي

    موضوع جميل ... و محتاجين له...و بصراحة
    لابد لنا من وقفة مع انفسنا حتي نُقلل من متاعبنا التي دائما و ابدا تأتي من الانسان لاخيه الانسان.. و أذكر نفس و أياكم بالاتي:

    - تبسمك في وجه اخيك صدقة,,,هذا معني حديث صحيح للنبي صلي الله عليه و سلم.

    - الساعي لقضاء حاجه أخيه خير من الاعتكاف بالمسجد النبوي ، هذا ايضا معني حديث صحيح للنبي صلي الله عليه و سلم.
    - حب لاخيك ما نحبه لنفسك...
    - لا تنتظر ثواب من انسان تسدي اليه معروفا...بل انتظر الثواب و الاجر من رب العالمين.

    - الحب ليست كلمة تقال....بل كلمة تقال يدعمها و يعززها و يؤكدها الافعال...فإن غابت الافعال غاب الحب.

    ليبدأ كل منا بنفسه و يتبسم في وجه اهل بيته في الصباح و للجيران...و الزملاء ...
    ليمد كل منا يده لصديق في حاجة او جار ملهوف ..

    ليعلن كل منا حبه لاهل بيته...ابوه...امه...اخوته....
    كتمان مشعر الحب عن الاسرة و العائلة غير سوي و غير صحي.

    ابتسامه كبيرة للجميع مقرونه بتحياتي الطيبة.... ودعوة من القلب للحب لله و في الله.

     
  • At Mon Apr 16, 03:48:00 PM 2007 , Blogger Rosa said...

    ايه يا داليا مش قلتي هاتقومي من اجل البقاء سعيدة؟؟ حصل ايه بقى ؟؟ولا هو نقص الفيتامين الي قلتي عليه قلل منعتك؟؟ عموما انا شايفه ان ليكي اصدقاء جمال قوي مستعدين يمدوكوا بالفايتمين بس يمكن في حالة نقص عامه في السوق
    روقي بقى يا داليا و حاولي تتمسكي بسعادتك دي تاني
    مستنيه بوست تقولي فيه انا اسعد من الأول كمان

     
  • At Mon Apr 16, 09:41:00 PM 2007 , Blogger سابرينا said...

    شفتي
    لوكنت لأحتفظت بالفيتامين ده لنفسك!!!!!!
    ماكنش هيبقي عندك عجز فيه
    كان هيبقي عندك مخزون!!!!!!!!
    keep it 4 your self from now on!!!!! nobody deserved it

     

Post a Comment

Subscribe to Post Comments [Atom]

<< Home