voice of love

Saturday, February 10, 2007

الباب اللى يجيلك منه التاج ..... واستريح

صديقتى العزيزة ابيتاف مررت لى مش تاج واحد لأ دول اتنين

وأنا دلوقتى هابدأ بالحنين وتاج الفضايح مؤجل كام يوم كده

ايه اللى هيحصل لايميلك لما تموت ؟؟

ده ايه الفأل اللذيذ ده !؟ يعنى هييجى معايا آديه قاعد

اديت الباسوورد لحد قبل كده ؟

اطلاقا مطلقا

اسمك ؟

صوت الحب .. والحقيقى : ما انتم عارفين : داليا

اسم الدلع المشهور وسط أصحابك ؟

دوللى ، ديدى ، دودو ..... بس أحبهم ليا دوللى

عمرك ؟

ايه السؤال الرذل ده ؟ طيب هاقول واعملوا نفسكم مش واخدين بالكم : 26 .. حد خد باله ؟؟

برجك ؟

الأسد

مجالك أو مجال دراستك ؟

كلية الصيدلة وأدرس الماجستير

شخصيتك نوعها ايه ؟

vibration

السفر بالنسبة لك ؟

متعة .. بحب أركب العربية وأقعد جنب الشباك وعيش يا معلم

المود بتاعك ؟

مخطط

وقت فراغك بتعمل فيه ايه ؟

بقضيها بقى انترنت أو كتابة قصص قصيرة أو بعض الخواطر النثرية

وبحب كمان أسمع موسيقى كلاسيك وقتها

الأكلة المفضلة ؟

ملوخية .. مكرونة بالبشاميل

الصفات اللى خدتها من بابا ؟

ولا أى حاجة خاااااااااالص

الصفات اللى خدتها من ماما ؟

أنا نسخة مصغرة من ماما

أكتر 6 حاجات بتكرهها ؟

الظلم - الخيانة - الغدر

القسوة

الفشل

الوحدة

الزمالك وخصوصا عمرو زكى وعبدالواحد السيد

عمرو دياب

أكتر 6 حاجات بتحبها ؟

الحنية

صاحبتى روز لما تبعتلى رسالة وتقولى : وحشتينى يا بنوتة

أنى أحل مشكلة لحد

انى احس بالحب من الناس

النادى الأهلى

أفلام منى زكى وأغانى شيرين وسميرة سعيد وفيروز

الشغل بالنسبة لك ؟

متنفس صحى

الكمبيوتر والانترنت بالنسبة لك ؟

حبايبى ويعيش أحمد نظيف والحكومة الالكترونية

وأحب أرمى البلاء ده على كل حد نفسه يكتب التاج ده عن نفسه

ويجعله عامر

27 Comments:

  • At Sat Feb 10, 10:33:00 PM 2007 , Blogger Epitaph said...

    شوفي انا كنت قاعدة باسمع اكتر اغنية كئيبة..و خلاص ح اعيط جنبها و اجيب ربابة..و اسح.. بس اول ما قريت اجاباتك و قعت من الضحك

    ههههههه
    بس انتي اكتر اكلتين بتحبيهم
    هما اكتر حاجتين انا مش باحبهم

    و يعيش الاهلي
    هههههه

    و تعيش خفة دمك

    و مبروك الجووجل
    ;)

     
  • At Sat Feb 10, 10:50:00 PM 2007 , Blogger مـحـمـد مـفـيـد said...

    داليا
    عدتي متألقه كما تركتينا
    لم اتحدث عن التاجح ولكن اتحدث عن عالمنا الذي فتج لكي الباب وقت ان جأتي فلا تكرري الغيبه مره اخري

     
  • At Sun Feb 11, 12:03:00 PM 2007 , Blogger Geronimo said...

    وحشتيني يا بنووووووووتة

     
  • At Sun Feb 11, 03:30:00 PM 2007 , Blogger حــلم said...

    حمدالله على سلامتك يا دوللى
    نورت بلوجر تانى

    انت صوت الحب هنا
    لما بتغيبى بيبقى مالوش صوت


    :)

     
  • At Sun Feb 11, 11:18:00 PM 2007 , Blogger malak said...

    اجابتك حلوة اوى
    اسلوبك فى الاجابة لذيذ ومدونتك رائعة

     
  • At Mon Feb 12, 05:34:00 AM 2007 , Blogger Gid-Do - جدو said...

    داليا

    الف مبروك على فتح شبابيك مدونتك للشمس والهوا ـ ودست شمع للشيخة ابيتاف ـ واقول اية غير ربنا يعدلهالك ياابيتاف يابنت حوا وادم اللى رجعتى داليا تكتب ـ مقصوفة الرقبة ابيتاف دية سرها باتع عملت اللى مفبش حد عرف يعملة ـ اسعدنى رجوعك وعلى الله تفضلى كدة ومتضلميهاش تانى وعليكى بالعلاج دة تاخدى قرص ابيتاف مرتين فى اليوم قبل الاكل وعند النوم ـ تحياتى

     
  • At Mon Feb 12, 10:42:00 AM 2007 , Blogger Heba Al_Menshawy said...

    دوللي
    انتي جميلة اوي بجد ... وردك زي السكر زيك
    وانا بحب المكرونة بالباشميل وبعشق فيروووووز .. بصرة
    :D

     
  • At Mon Feb 12, 11:42:00 AM 2007 , Blogger LAMIA MAHMOUD said...

    يسقط الزمالك يا ستي ويسقط عمرو دياب .. بس انتي لذيذة موت

     
  • At Tue Feb 13, 02:26:00 AM 2007 , Blogger voice of love said...

    ايبى
    حبيبتى .. نورتى .. والأهلى حديد

    محمد مفيد
    صديقى العزيز أشكرك لمساندتك

    جيرو
    وااااااااو .. انتى وحشتينى أكتر

    حلم
    منورانى وبحبك جدا

    ملاك
    انتى اللى قمر .. ميرسى ليكى

    جدو
    ربنا ما يحرمنى من ومن كلامك الجميل ووقفتك جنبى وعندك حق فعلا ابيتاف سرها باتع

    هبة المنشاوى
    وحشتينى .. انتى عارفة طبعا قد ايه أنا بحبك وقد ايه بحس انك بتتكلمى بلسانى

    لمياء
    ميرسى على كلامك الجميل .. انتى اللى لذيذة أكتر

     
  • At Tue Feb 13, 07:46:00 PM 2007 , Blogger ody911 said...

    داليا

    على فكرة أنا خت بالى

    وبعدين إيه فيبريشن دى يا أوختى


    علاج دة بما انك فى صيدلة يعنى ؟؟؟


    وعادى بقة

    لزيزة لزيزة يعنى

    أودى

     
  • At Tue Feb 13, 11:24:00 PM 2007 , Blogger بعدك على بالى said...

    انتى جميلة قوى يادولى...

    بجد مش مجامله


    وحشتينى

     
  • At Wed Feb 14, 12:00:00 AM 2007 , Blogger voice of love said...

    أودى
    بقى كده تاخد بالك
    لأ أنا كده زعلانة منك لحد ما تقولى انك نسيت اللى قريته

    بعدك على بالى
    انتى اللى قمر ,, وحشتينى موت

     
  • At Wed Feb 14, 04:24:00 AM 2007 , Blogger Diyaa' said...

    bsra7a eltag 7lw w sre7 ...w b2ezn ellah ht5rgy mn a7zank bla 3wda

     
  • At Thu Feb 15, 01:49:00 AM 2007 , Blogger Nouran said...

    حمدلله عالسلامة يا جميييييييل ومتبقيش تقطعي الجوابات تاني

    واهلي اهلي هوه هوه
    متمشيش تاني بقى اوكش

     
  • At Thu Feb 15, 06:05:00 AM 2007 , Blogger wa3d-el3yoon said...

    اهلا بالاهلويه _بجد الله عليك - النادى الزمالك من الحاجات اللى المفروض يتخلصوا منها فى مصر
    بسليه عمرو دياب مش بتحبيه على فكره صوته فيه امكانيات عاليه أوى بس هو شخصيه مش اوى يعنى
    على العموما ربنا يوفقك
    سلام

     
  • At Thu Feb 15, 04:24:00 PM 2007 , Blogger Lion king™ said...

    :)
    اهلا ببرج الاسد
    :)

     
  • At Thu Feb 15, 08:06:00 PM 2007 , Blogger ody911 said...

    خلاص تنزل المرادى

    بس إعملى حسابك المرة الجاية لا ممكن تنزل الأرض أبدا

    ههههههههه

    وعادى بقة
    أودى

     
  • At Thu Feb 15, 08:16:00 PM 2007 , Blogger smraa alnil said...

    لةب مرة ازورك الاقي كل دة
    يا بنتي انتي عملتي التاج يبقي اتفضحتي خلاص

    وبعين ولا تزعلي نفسك كلها اخر السنة دي وابقي ادك

    بس بجد انا مش كنت عارفة موضوع انك هتقفلي البلوج والكلام دة الا من التعليقات

    تقفلي ايه هو كان محل كشري

    يا بنتي انتي لو قفليته يبقي بتقفلي نفسك
    بس
    بما ان انتي بتحبي المكرونة بالبشاميل يبقي هضيفك لرباطة المكروتة بالباشميل

    وبرغم اني مش عارفاكي اوي بس اجابتك بتقول انك واضحة وانسيابية
    وعود احمد

     
  • At Fri Feb 16, 02:32:00 AM 2007 , Blogger Sampateek said...

    جميلة
    :)

     
  • At Fri Feb 16, 10:12:00 PM 2007 , Blogger The Traveler said...

    nice post, and thanks for stopping by my log page , happy that i add a smile on your face , by the way i wrote that post to a friend of mine when she became a full Prof.as a coincidence she is pharmasist too , so when you become a Prof. i will write you something "if i am still a life "

     
  • At Sat Feb 17, 04:11:00 AM 2007 , Blogger أميرة ويلز said...

    التاج دة انا لسة مجاوبة عليه دلوقتى حالا

    هو مافيش غيره فى البلد

    انا اول مرة ازورك يادولى ان شاء الله مش اخر مرة

    تحياتى

     
  • At Sat Feb 17, 07:50:00 AM 2007 , Blogger Sharm said...

    يالهوي يا دوللي شخصيتك فيبراشن

    هههههههههههههههه

    جامدة جدا

     
  • At Sat Feb 17, 10:51:00 PM 2007 , Blogger voice of love said...

    ضياء
    ميرسى للكومنت الجميل وميرسى لمرورك

    نوران
    الباشمهندسة الصغننة ازيك يا قمر وحشتينى

    وعد العيون
    الأهلى حديد .. ميرسى للمرور الجميل

    ليون كنج
    أهلا بالغضنفر

    أودى
    أيوه كده .. هتنزل المرة دى

    سمراء النيل
    أهلا بيكى يا حبيبتى .. نورتينى يا جميلة

    سمباتيك
    انتى الأجمل

    the traveller
    شكرا لمرورك والله منورنى بكلامك الجميل زى ما انت منور عالم التدوين بالبلوج الهايل

    أميرة ويلز
    ياريت متكونش آخر مرة أحسن هزعل

    شرم
    شكرا .. زورزنا تجدوا ما يسركم

     
  • At Tue Feb 20, 11:57:00 PM 2007 , Blogger Human said...

    حمد الله على السلامة..وان شاء الله بوستات رقيقة زي ماكنتي معودانا
    وتظلي صوت للحب

     
  • At Wed Feb 21, 03:08:00 PM 2007 , Blogger Ayyam said...

    This comment has been removed by the author.

     
  • At Wed Feb 21, 10:41:00 PM 2007 , Blogger voice of love said...

    human
    ميرسى للتعليق الرقيق وان شاء الله معاكم دايما زى ما كنتم معايا

    أيام
    طبعا ده أنا رئيس رابطة مشجعى الملوخية والرقاق بينى وبينه قدر لا بأس بيه من المعزة برده
    تحياتى لك فى اليابان
    ويا مساء الكيمونو

     
  • At Thu Feb 22, 03:17:00 AM 2007 , Blogger Ayyam said...

    oops my previous comment has a mistypo, sorry here it is again
    أيوه كده أحب أسمع أن المولوخيه لها عشاق من الداكتره برضه.....لو تحبى أبعتلك أقراص من المولوخيه من اليابان ...لكن طيب إيه رأيك فى الرقاق بالحمه المفرومه المصلصه على شويه شربه..همممممممم جوعتينى ياشيخه حرام عليكى..أحلى سلامتى

    Dalia how about some nice poetry just like before!...not urgent..I mean whenever you have time.
    cheerio

     

Post a Comment

Subscribe to Post Comments [Atom]

Links to this post:

Create a Link

<< Home