voice of love

Monday, April 16, 2007

كش ملك

سأكتب اليوم كما لم أكتب من قبل

وسأصرح بمشاعر لم أصرح بها من قبل

وسأعلن عما لم أكن أتصور نفسى أننى سأعلنه

وسأحدثكم عما لم أكن أقبل أن يعرفه عنى أحد

حلمت بمدينة فاضلة وبنيتها وتنفستها وعشت فيها

مدينة كل قاطنيها من المحبين وذوات الاحساس الراقى والنفس العفيفة

والقلب الطيب والمشاعر النبيلة

ولم أكن أعلم أن الحياة معركة تجيز كل فنون الحرب من القسوة والتلون

والمكر

وعليك أن تحمى نفسك من الاصابة بالخطر

ورغما عنك يطولك الخطر وتصاب

ولا تعرف من أصابك .. هل هو العدو أم النيران الصديقة ؟

بحثت عن المأوى من هذا الخطر فلم أجد مأوى فى عين أو أذن أو قلب

فلا أحد يرانى حين أبكى ولا أحد يسمعنى حين أشكو

وكثيرا ما حاولت أن أمد يدى للحياة لأصافحها فلا تجد يدى اليمنى سوى

يدى اليسرى لتصافحها

فأصافحها وأقنع بهذا الصديق الجديد

وأرجو ألا يطلب منى أحد البحث عن السعادة

فانها ليست بأزرار تضغط عليها فتصبح سعيدا وتطفئها عند النوم

يقولون أن الذى يحصى همومه ويحسبها ويعرف لها أولا وآخرا هو الذى

يستريح وكما يقولون يعرف راسه من رجليه

ولكن الكثيرين أمسكوا بمسابح طويلة وراحوا يحصون همومهم

فاذا أصابعهم تتحول الى مسابح واذا المسابح تحصى المسابح

واذا هم ينسون العدد وتصبح الهموم بلا عدد

أتذكر مقولة للكاتب الراحل عبد الوهاب مطاوع : أقسى من الجرح أن

تتظاهر بأن ليس بك جرح وأنت الجريح حتى الموت

وظللت أتظاهر بالسعادة وأتصنع الضحكات وأرسم على شفتى الابتسامات

حتى مللت وفاض بى الكيل

أعلم أن السعادة تتمثل فى الحب والرضا ولا أملك الآن سوى الرضا وعلىّ

الاكتفاء به

ولكنى أشتاق لهذا المسمى المفقود المدعو : الحب

كنت بالأمس فى رحلة خارج القاهرة مع مجموعة من أقرب الأصدقاء لقلبى

ورغم أنى كنت سعيدة لاحساسى بأنهم سعداء

الا أننى كنت أطمع أن أجد بينهم الدفء الذى يخفف عنى برودة وقسوة

الحياة

ولكن الحياة أولويات

لا أخفى أننى شعرت للحظة برغبة أن أصرخ فيهم طلبا للدفء الضائع

لعل أحدا يحاول أن يضمنى لصدره

وكالعادة .. لم أصرخ .. لم أطلب .. فقط التزمت الصمت وشردت بفكرى بعيدا

فى محاولة لتخيل قلب يشعر وصدر يضم

ومر الوقت دون أن يشعر بى أحد

ان مثل هذه الحياة تبدو كصندوق الموسيقى يعزف ألحانا جميلة .. ولكنها

جنائزية

ولعلها حتى لا ترقى لصندوق الموسيقى

بل هى بالفعل معركة

وبغض النظر عمن سيهزم الآخر فأنا ومن الآن أرفع الراية البيضاء

ليس استسلاما ولكن اتقاء لشرها

الحياة قالت لى : كش ملك

ولهذا آثرت الانسحاب بجنودى من مملكة الحياة قبل أن تأسرنى

وعلى هذا أصدقائى وصديقاتى

أطلب حق اللجوء العاطفى الى قلوبكم

فهل من متسع ؟؟

16 Comments:

  • At Tue Apr 17, 01:25:00 AM 2007 , Blogger nirfana said...

    داليـا الحبيبة
    داليـا الأخت والروح الطاهرة
    وتعلمين يقينًا أني أعنيها

    قد يحزن الجميع لكلماتك .. وقد تعتريهم الشفقة ويضطربون ويتمنون لقياكِ بتلك اللحظة لإحتضانك وتدفئة قلبك بمشاعر الحب .. ونزع فتيل البرودة بعيدًا عنك لتتفجر مكانها وديان من المحبة والإحتضان

    حبيبتي
    تأثرت لكلماتك ِ جدًا
    ولكن في قمة الفرح من أجلك
    أولى خطوت السعادة مشاركة حزنك لللآخرين

    الحديث والتنفيس عن ذاتك وعن كل ما يعتريك ِ .. كما أخبرتك من قبل .. لا تنظرين بعيون الناس وتكلمينهم من وراء حجاب الصمت .. لن يسمعك أحد .. بل قد تختلط عليهم الأمور ويسيئون الفهم ...

    الحياة قاسية حبيبتى وقدر الإنسان أن يعبر من هوان لهوان ريثما يصل إلى الفوز الأكبر

    فلما ضاقت حلقاتها فرجت ولما إشتد الحزن تفجرت ينابيع السكينة ..

    كلنا عابرون سبيل كما الحقيقة
    كلنا تختلج فينا الروح بالألم مرااات ومرات وبالفرح مرة ومرة ..

    إنظري حولك وإبتسمي
    وإفرحي .. وأحزني حد الصراخ واللهيج والبكاء دمًا " حد التطهير من كل نوازع الشر التي تكمن فينا دون أن ندري ، حد التغلب على مدمرات أنفسنا الخفية " .

    كلنا نحتاجك بسمة تفرد جناحيها على الأروقه والقلوب
    وكلنا نحتاجك حزنًا يذكرنا أننا أحسن حالاً من الآخرين

    لا أخشى عليك ِ أبدًا من إنفعالاتك ولن أخشي
    بل أنا سعيدة بما أرى

    تحتاجين فقط لكسر حاجز الصمت .. شاركي الناس ليشاركوكِ .. وإعلمي أن من ترينه صلدًا لا يعرف قلبة الحب .. قد يكون مثلك ِ وأكثر .. عاجز عن إيصال مشاعره

    إلتمسي العذر للجميع
    وقلوبنا مفتوحة لك دائمًا بالحب والود والسعادة

    هونى عليك ِ
    هوني عليك ِ


    أحبك من كل قلبي
    أحبك

     
  • At Tue Apr 17, 04:24:00 AM 2007 , Blogger Gid-Do - جدو said...

    وعلى هذا أصدقائى وصديقاتى

    أطلب حق اللجوء العاطفى الى قلوبكم

    فهل من متسع ؟؟
    -------------
    صغيرتى

    انا حاليا موجوع وبجد لكن صراخك خلانى لازم ارد عليكى لانى بحبك

    لااملك سوى قلبى المكون من اربع حجرات اتنين فوق ممكن يكونوا للنوم واتنين تحت اعمليهم صالة ومطبخ وتعالى اسكنى فية بايجار رمزى جنية مصرى فى السنة
    بس دة مش راح يحل المشكلة اللى انت لخصتيها فى كتابتك

    اقترح عليكى انك تعملى زيارة لدار رعاية الايتام القريبة من محل اقامتك وهناك اختارى طفل ـ ولد او بنت ـ وشوفى مع المسؤلين فى الدار ازاى تكفلى هذا الطفل عاطفيا مش مهم ماديا بمعنى انك تكونى ام لهذا الطفل تقومى بزيارته بصفة دورية وتعطية من عطفك وحنانك وسوف يردلك هذا الطفل اضعاف هذا الحب والحنان

    اقتراح اخر تبنى حيوان اليف ـ قطة مثلا ـ خليها معاكى فى البيت وبعد شوية حيكون فية الفة بينك وبين القطة

    اما اذا جربتى الاقتراحين حتكونى اسعد حالا
    بنيتى
    لست وحدك من يعانى الملايين تعانى بس يمكن انت اللى صرختى بالحقيقة وباقى الناس معندهمش شجعتك علشان يقولوا الحقيقة

    دليتى
    جربى اقترحاتى واكتبيلى وانا منتظر وعقد الايجار جهاز بس الجنية المصرى مش حتنازل عنة واللى اولوة شرط اخرة سكن بجنية فى قلب جدو اللى بيحبك ـ تحياتى

     
  • At Tue Apr 17, 10:05:00 AM 2007 , Blogger بعدك على بالى said...

    داليا الكائن الانسانى رائع الجمال والمشاعر

    مش حاقولك كلام من نوعية قلوبنا مفتوحه وتعالى اترمى جوانا و,, رغم اهميته و حقيقته اللى انتى ممكن فعلا تكونى متاكده منها او حاسة بيها.. انا س حاطلب منك ترجعى لأرشيف مدونتك ، شوفى لحظات الوجع اللى مرت عليك، رحلة المرض ربنا مايرجعها ابدا، ازاى فعلا كان فى قلوب صادقة بتدعى لك، رغم انهم مالهموش اى تلامش واقعى معاكى، مجرد لقاء وجدانى وتواصل...
    افتكرى علاقتك بهبه والبوست اللى كتبتيه عنها، ازاى بدات وامتدت، افتكرى علاقتنا بدات ازاى، عمرها ماكانت مجرد حروف سوداء مكتوبه على خلفية بيضاء، الا انه فيها تواصل كبير، على الرغم من انها مادخلتش مرحلة التحولات، وده مش معايا انا بس اكيد غيرى كتير

    انا عارفه انه فى حياتك كتير منعرفوش واللى مخليكى فى الحالة دى...
    معنديش نصيحة الا انك تصلى كتير ، وتدعى ربنا، صدقينى الصلاة بتريح كتير.كمان اكتبى، طلعى اللى جوايافى كتابة، اشركينا معايا، اقسمى الحزن معانا وقلوبنا كلنا متعدة تشييله عنك مش بس معاكى....

     
  • At Tue Apr 17, 02:12:00 PM 2007 , Blogger مـحـمـد مـفـيـد said...

    اليا
    كلامك ينبع من شخصيه حساسه مرهفه وهذه هي مشكلتك

    الدنيا وجهان لعمله واحده
    فلابد من فهمها والا سننخدع فيها

    تحياتي لكي يا رائعه

     
  • At Tue Apr 17, 02:12:00 PM 2007 , Blogger مـحـمـد مـفـيـد said...

    اليا
    كلامك ينبع من شخصيه حساسه مرهفه وهذه هي مشكلتك

    الدنيا وجهان لعمله واحده
    فلابد من فهمها والا سننخدع فيها

    تحياتي لكي يا رائعه

     
  • At Tue Apr 17, 04:55:00 PM 2007 , Blogger Epitaph said...

    my lovely dolly

    put that sorrowness aside

    it does not suite your cheerful disposition

    the open lovely dolly.. who's like a butterfly..scattering lovely hugs all over the place

    you're friends are everywhere..!
    you who have a warm hug to everyone.. owes you a lot now.. to embrace you..and kiss your forehead..and whisper softly to your ears..we love you!

    :)

     
  • At Tue Apr 17, 05:16:00 PM 2007 , Blogger yasmina said...

    حبيبتي كلامك رائع
    طبعا هناك متسع للقلوب الرقيقة والحساسة في قلوبنا
    ارجو ان تتفائلي فالامل اساس الحياة وما فرج الا بعد ضيقة

    تحياتي

     
  • At Wed Apr 18, 12:33:00 PM 2007 , Blogger love4u said...

    السلام عليكم

    حقيقه عندما قرت البوست
    اعجبت باسلوب الكتابه و ترتيب الافكار
    لكن احزنى الحزن و الوحده التى تملاء الكلام

    و اجد ان كل انسان يبحث عن الحب
    عن انسان يشاركه احزانه اماله دموعه افرحه انسان واحد يلجاء اليه ليكون سند له
    فاما بالك اذا انكى قد وجدتى هذا الشحص و لكن لا تسطتيعى ان تصلى له او تصارحيه بحتياجك له
    هل تكون الدنيا مظلمه هل يكون هو الملوم هل هيا الظروف
    لا اعلم

    لكن لابد لنا الا نظلم الحياه و ان ننظر الى انفسنا فلو تحيلنا ان الحياه شخص يحتاج منا الاهتمام و يحتاج الحب مننا
    هل نبتعد لماذا نلوم الحياه و نحن من نعيشها و نحن من نفكر و نحن من نتصرف
    اعتقد انى اتكلم عن يوتوبيا لا استطيع ان اقنع نفسى بها لانى تجرعت كاس الوحده و حقيقا قد اجد الاحزان تملكنى و اوقات احاول ان اتحدث لنفسى بمثل ما كتبت الان
    و الحقيقه لا اعلم اين هيا

     
  • At Wed Apr 18, 10:24:00 PM 2007 , Blogger sabrina said...

    اه يا جميله
    فيه متسع لك
    in very special place in our hearts
    وماكنش فيه نبني لك مخصوص!!!!1
    أنت الوحيده اللي تقدري تطلعي نفسك من الحاله ديه
    enjoy you hve now until the thing you want come!!!!

     
  • At Thu Apr 19, 01:34:00 AM 2007 , Blogger ody911 said...

    داليا

    مش عارف أرد عليكى وأقولك إيه ؟؟

    بجد أنا عارف أحساسك

    بس حاولى تتماسكى

    لاء

    مش عاوز أقولك كدة

    أنا عارف إنتى بتبصى للكلمة دى إزاى

    بإستهزاء

    حقيقى مش عارف أقولك إيه ؟؟

    حب

    يعنى صعب


    بس ممكن نحاول


    حاولى معانا

    وكلنا هنا علشانك

    فينا الحبيب وفينا الصديق

    متهيقلى ممكن نخفف عن بعض شوية

    كلامك جرحنى

    لاء

    كلامك شال الغطاء من على الجرح

    مسحتى علية بكلامك

    بدأ ينزف تانى

     
  • At Thu Apr 19, 03:05:00 AM 2007 , Blogger خواطر شاب غاضب said...

    لازلتن مصر اني دي افضل مدجونة عديت عليه
    بجد انتي هايله جدا
    يارب نكون اصدقاء

     
  • At Thu Apr 19, 01:01:00 PM 2007 , Blogger smraa alnil said...

    داليا

    مش عارفة اقولك ايه

    بس انتي عارفة بجد اني بحبك في الله

    ومش كنت عايزة اعلق عندك

    الا لما اكلمك
    بس قلت مبدهاش بقي

    خليكي دايما متاكدة ان في ناس جايز يكونوا مروا في حياتك مرور عابر
    زي انا مثلا

    جايز مش اشوفك وجايز القدر يكتب لينا اننا نشوفك

    بس تاكدي اني انا بحبك

    ودايما هتلاقيني بسمعلك جايز اقدر اخفف عنك

    من الاخر لا هتلاقي حد مثالي ولا هتلاقي المدين الفاضلة

    ومش في حد مثالي

    انا كنت فاكرة اني بدور علي المثالية
    وعشت سنين حاسة اني كدة وعندي امل اني الاقيها
    والنتيجة كان دايما بكون حزني
    وقرفي من الحياة وكرهي ليها

    دايما كنت بدور علي حضن اترمي فيه وابكي
    لعل وعسي الاقي الراحة

    لما بقيت احس اني انسانة عادية اوي من غير مثالية
    وان المثالية دي مش موجودة غير في الاساطير
    ابتديت اتكيف
    اترمي في حضننا كلنا هتلاقيه بيساعك

    وقلي يارب
    قولي ليا رب احن من اي حد في الدنيا دي
    قادر يريح قلبي
    خلي عندك رجاء في ربنا كبير

    مش تحاولي تدوري علي السعادة
    لانك هتكتشفي ان السعادة جواكي
    بس هموممك وحزنك مغطين عليها

    هستناكي تكلميني وتقوليلي انك بقيتي كويسة

     
  • At Sun Apr 22, 02:22:00 AM 2007 , Blogger Nouran said...

    ولو مفيش متسع لقدر الله نفضيلك طبعا ونوضبلك المكان اللي هتقعدي فيه بجد مش هزار انت انسانه جميلة اوي متقوليش عرفت ازاي هو كده الواحد بيبان من كلامه وكتابته وهتلاقي متسع عند نااس كتييرة اوي

    ضاقت فلاما استحكمت حلقتها فرجت وظننتها لن تفرج :)

     
  • At Sun Apr 22, 01:23:00 PM 2007 , Blogger karakib said...

    داليا
    الاحساس ده قوي و واضح
    فاهمه كويس أوي انك تكوني وسط أصحابك و المفروض الجو حلو و انت مش قادرة تتفاعلي
    -----------
    إن الذين يتصورون الألم نصلاً حاداً يمزق فى القلب وينتزع منه الشهقات
    ويفجر الدموع
    لم يجربوا من الألم غير أبسط أنواعه !
    فإن من الألم ما تبلغ قسوته حدا يفقد فيه الإنسان كل شعور بالحياة حتى الشعور بالألم ذاته
    فلا يعود وخز الخناجر قادرا على إيلامه

    أو إنتزاعه من الشلل الذى فاجأ إدراكه وإحساسه
    ---------------
    طول ما احنا عايشين لسه بنتنفس يبقي في أمل ... في يوم من الايام كنت حاسس الكلام المكتوب فوق ده أوي
    و كنت باجتر الاحزان و المقولات الحزينة الشبيهة زي أنها تلك الحياة البغيضة التي جئنا اليها دون ارادتنا لنتعذب و نقمع و نري القليل من اهوالها ثم نرحل عنها ايضا دون ارادتنا و كنت باحاول أشوف أن كان الكلام ده هيوجعني و لا لأ ... و ما كانش بيوجعني لأنه الكل تساوي
    بس كل ما الموجة تنزل لتحت أوي تحت تحت يبقي قربت تطلع لفوق
    الدنيا يوم فوق و يوم تحت و لما الجزر ييجي جامد يبقي المد هاييجي جامد ده طبع البحار و الحياة لما الحزن يبقي زيادة أوي يبقي الفرح اللي جاي بعده أزيد ... ما عليك ألا أن تنتظري و الأيام هتوريكي أنه ما يعرفش طعم السعادة الا اللي جرب الالم الشديد ده
    -----
    يا قمقم يا حزين تحت بحر الضياع
    حزين أنا زيك و أيه مستطاع
    الحزن مبقالهوش جلال يا جدع
    الحزن بقي زي البرد زي الصداع
    ----
    حاسب علي الاحزان و حاسب لها
    حاسب علي رقابيك من حبلها
    راح تنتهي و لابد راح تنتهي
    مش أنتهت أحزان قبلها !!؟
    ----
    أكتبي كثيرا
    و لا تقرأي و لو مؤقتا فهذة هي الطريقة الأفضل لقتل الالم و الحزن و الملل
    كثرة القراءة تصيب بالاكتئاب
    كثرة الكتابه تزيل الاكتئاب
    اكتبي و أقتلي بحروفك كل شعور سييء
    شاركي الناس بحزنك هيتوزع و بعد شوية مش هتلاقي منه حاجة تذكر باقية عندك أحكي بوحي هنا في مساحتك كل يوم و قولي متضايقه ليه و علشان ايه
    ما كنتش عايز أدي حلول و نصائح لكن هي دي الطريقة اللي باقضي بيها علي المي لما يزيد

     
  • At Tue May 01, 04:15:00 AM 2007 , Blogger Rosa said...

    رقيقه ,جميله كعادتك
    اقول,يتسع قلبي لك و مرحب بك منذ قرأت او بوست لك
    بل اقول هل يتسع قلبك انت لقلبي
    ؟
    حلمت كثيرا وتمنيت اكثر ان يكون لي مكان بمدينتك الفاضله اصتدمت كثيرا وتالمت اكثر ,لكن مازلت احلم ابها و ابحث عنها و اؤمن اني سأجدها
    وما يزيد من قوة ايماني وجود قلوب رقيقه جميله كقلبك

     
  • At Wed Jul 20, 03:28:00 AM 2016 , Blogger Zheng junxai5 said...

Post a Comment

Subscribe to Post Comments [Atom]

Links to this post:

Create a Link

<< Home