voice of love

Friday, August 31, 2007

فقدتك .. يا أعز الناس

اليوم .. واليوم فقط أحسست أننى أريد البوح

آن الآوان أن أصرخ وأبكى

ليكن ذلك هو احساسى

ولتكن تلك هى مرثيتى

لعل الجميع لم يفهم لماذا تملكنى هذا الاحساس بالمرارة

بل والحزن العميق طيلة أربعون يوما

لماذا ؟؟

لأننى فقدتها

تعلمت منها كيف أحب وأغضب وأثور

علمتنى كيف يكون الحب لغة سامية

علمتنى كيف أتذوق الفن والموسيقى

أحببت أغنيات فيروز لأنها تحبها

عشقت عبدالوهاب مطاوع ونزار قبانى لعشقها لهما

رأيت بعينيها الحياة

وتكيفت مع آلامى لوجودها بجانبى

ويأتى القدر ليفرق بيننا

وترحل عنى

لتكون تلك هى ذكرى الأربعين

لرحيل كنز حياتى وأعز صديقاتى

فقدتك يا أعز الناس

فقدت الحب والطيبة

وأنا مين لى فى الدنيا

سواك وان طالت الغيبة

رحلت ومن بقى وياىّ

يحس بضحكتى وبكاى

وحتى الجرح فى بعدك

يغذينى وأحلّى به

أنا مين لى فى الدنيا

سواك وان طالت الغيبة

تصدق أدّ ايه حنيت

أشوفك فى زوايا البيت

وأحكيلك عن حزنى

وأحس ان انت تدرى به

أنا مين لى فى الدنيا

سواك وان طالت الغيبة

ايه أعمل بالألم والآه

ولكن البكاء لله

يصبرنى على بعادك

وده قدرى وراضى به

أنا مين لى فى الدنيا

سواك وان طالت الغيبة

24 Comments:

  • At Fri Aug 31, 05:00:00 AM 2007 , Blogger حسام مراد said...

    البقاء لله


    ربنا يصبرك على فراقها



    وعلى فراق اى عزيز


    تقبل ارق تحياتى وسلاماتى

     
  • At Fri Aug 31, 05:31:00 AM 2007 , Blogger عدى النهار said...

    تابعت كلماتك السابقة عن فقدانك لصديقتك رحمها الله رحمة واسعة

    مش عارف أقول إيه غير إن هى دى الحياة

    كلماتك ذكرتنى بحث الرسول صلى الله عليه وسلم لنا على تذكر هادم اللذات.. الموت

    ربنا يمنحك الصبر والثبات على الإيمان بقضائه وقدره فالأمر كله لله وحده

     
  • At Fri Aug 31, 05:52:00 AM 2007 , Blogger Diyaa' said...

    مفيش حاجة هتصبرك علي الفراق غير إيمانك بإن البقاء لله فقط وإن صديقتك الجميلة أكيد في مكان جميل وبإذن الله هيكون في لقاء تاني ووقتها مش هيكون في أي احتمالية للفراق
    ربنا يصبرك ويقوي إيمانك ويغفرلها ويرحمها
    ربنا معاكي بجد

     
  • At Fri Aug 31, 02:39:00 PM 2007 , Blogger NeRmeeN said...

    السلام عليكم

    ربنا يصبرك يا فويس ...وان شاء الله ربنا يعوضك بخير...وياستى كلنا اصحابك و اصدقائك:)

    تقبلى مرورى و تحياتى

     
  • At Fri Aug 31, 05:02:00 PM 2007 , Blogger مـحـمـد مـفـيـد said...

    داليا
    لقد أوجعتني كلماتك جدا
    بجد يا داليا انتي وفيه جدا
    ربنا يرحمها ويسكنها فسيح جناته وانتي يا داليا لا تكفي الدعاء لها
    ويعينك علي ابتلاءك
    ويقدر لكي الخير

     
  • At Sat Sep 01, 05:15:00 PM 2007 , Blogger bos bos said...

    عزيزتى وجعتنى كلماتك قوى
    أنا عارفة أن الفراق صعب لكن ممكن تحولى حبك ليها ده لحاجة جميلة تنفعها بمعنى أدعى ليها كتير أعملى أى حاجة خير ليها ده اللى هينفعها دلوقتى
    وأصبرى وربنا هيعوضك خير
    تحياتى لكى

     
  • At Sun Sep 02, 06:13:00 PM 2007 , Blogger sabrina said...

    لأحول ولأقوة الأبالله!!!!!1
    أجمدي شويه
    ليه كده
    !!!!!
    أكيد كنتم قريبين جدا
    أجمدي علشان هي ماتزعلش

     
  • At Sun Sep 02, 07:10:00 PM 2007 , Blogger عصفور بلا أجنحة said...

    كلماتك جامدة اوى البقاء للة و ادعى لها بالرحمة و المغفرة.
    مشكورة على زيارتك الرقيقة الى مدونتى الصغيرة

     
  • At Mon Sep 03, 08:16:00 AM 2007 , Blogger 3abdo me7tas said...

    مفيش فى ادينا الا اننا ندعى لها بان ربنا يغفر لها
    ربنا يرحمها

     
  • At Tue Sep 04, 04:09:00 AM 2007 , Blogger ولــــــــــو said...

    آلمتني كلماتك كما لو كنت اعرفها
    آلمني احساسك كما لو كنت انا من افتقد
    آلمني حزنك كما لو كنت انتي

    البقاء لله

     
  • At Tue Sep 04, 09:36:00 AM 2007 , Blogger Diyaa' said...

    يا رب تكوني بخير

     
  • At Tue Sep 04, 02:05:00 PM 2007 , Blogger تامر حسين said...

    بجد انا بحييكي لانك سمعتي حسين الجاسمي ده حاجا وتاني حاجا ربنا يصبرك علي فراقها
    ولو كنتي بتحبي حسين الجاسمي ياريت تخشي علي مدونتي هتلاقي اغنيه ليه غنيتها بصوتي اتمني تقوليلي رايك
    تحياتي
    اسمها والله مايسوي

     
  • At Tue Sep 04, 08:30:00 PM 2007 , Blogger نورهان مفيد said...

    طبعا الآول البقاء لله
    وكنت أحب اول مرة أزور فيها المدونة
    تكون المناسبة غير كده
    بس أحنا كلنا بشر وأنا لله وانا اليه راجعون
    ربنا يصبرك علي فراقها
    ويجمعك بها ونحن معك في الفردوس الآعلي
    بأذن الله

     
  • At Tue Sep 04, 11:12:00 PM 2007 , Blogger mohand said...

    السلام عليكم

    البقاء لله
    يبدلك الله خيرا ان شاء الله

    ويجمعكما في الجنه

    تحياتي

     
  • At Wed Sep 05, 12:43:00 AM 2007 , Blogger احساس لسه حى said...

    عزيزتى
    احييك جدا على الاحساس الجميل ده نحيت صدقتك فى البوست ده واللى قلبه
    والاجمل انك كنتى بتعرفى ازاى تسعديها وتسعدى نفسك بسعادتها
    كنتى بتحولى تحبى اللى بتحبه وتعشقيه كمان بس المفروض مهما يرحل عننا ناس بنحبهم نحاول نعيش ونصبر وندعلهم لان فى ناس موجودين بنحبهم وبيحبونا
    هى اه من كلامك عليها اللى اتمنا ميكنش انفعال بفراقها
    دايمن لما يفرقنا حد نعظم فيه طبعنا
    لو هى ادتك الاحساس ده والمشاعر دى وكان ليها التاثير الجميل ده فيكى
    تبقا تستحق الحزن اللى داخلك ده
    بس اكيد ه كانت تتمنالك حاجات كتير حولى تحققيها ولما هتحققيها وتسعدك هتفتكرى اد ايه الانسانه دى انسانه جميله ولها فضل عليكى وهى عايشه وكمان بعد ما ماتت
    البقاء لله وحده
    تحياتى ليكى
    سلام

     
  • At Thu Sep 06, 11:21:00 PM 2007 , Blogger tazart said...

    الله يرحمها
    البقاء لله

     
  • At Thu Sep 06, 11:56:00 PM 2007 , Blogger اعشق فى اليل ضوء القمر said...

    داليا
    أولا أبلغ أسفى إن يكون أول مرور ليا ليكى يكون فى وقت مأساء
    كلماتك عن صديقتك يمس القلب يجعلنا نحبها ولو لم نراها
    تزكرى أحبب من شئت فإنك مفارقه
    طبعا مفارقت صديق وبيكون فقده يوصلنى للمشاعر ديه يعنى بيكون صاحب بجد
    لا يسعنى إلا قول
    لله ماأعطى ولله ما أخذ وكل شىء عنده بقدار
    وكل شىء عنده بقدار
    تقبلى عزائى و مرورى

     
  • At Fri Sep 07, 10:49:00 AM 2007 , Blogger Mohamed Hamdy said...

    البقاء لله .. ربنا يصبرك على الفراق

     
  • At Fri Sep 07, 01:07:00 PM 2007 , Blogger من القلب said...

    كلامك وجعنى اوى
    يمكن لانى قريب مرت بفقدان انسانة عزيزة عليه

    انا مين - كان - لى فى الدنيا سواك و ان طالت الغيبة

     
  • At Fri Sep 07, 02:56:00 PM 2007 , Blogger ادم المصري said...

    ربنا يصبرك يا جميل
    ربنا كبير

     
  • At Sat Sep 08, 09:35:00 PM 2007 , Blogger voice of love said...

    أشكركم جميعا على دعمكم المعنوى
    وتقبل الله دعواتكم لها بالرحمة والمغفرة

     
  • At Wed Oct 10, 02:23:00 PM 2007 , Blogger l0ma said...

    البقاء للة وربنا يصبرك

     
  • At Fri Oct 12, 08:38:00 AM 2007 , Blogger اجندا حمرا said...

    كلماتك وجعت قلبي عزيزتي
    ربنا يصبرك و يرحمها
    تقبلي خالص عزائي

     
  • At Sun Apr 27, 04:17:00 AM 2008 , Blogger Mona Kadry said...

    ربنا يصبرك على الفراق وعلى الصدمة ده بجد كلماتك صادقة موثرة جدا ومدونتك المدونة الوحيدة اللى ارتبطت بيها وشدتنى لدرجه انى كل شوية ادخل اقرا كلامك ومشاركتك الجميلة
    وحابه اتعرف عليكى
    اختك منى قدرى

     

Post a Comment

Subscribe to Post Comments [Atom]

Links to this post:

Create a Link

<< Home