تدبيسة
صديقى وزميلى الصيدلى الأغلبية الصامتة - الله يخليه - لبسنى تاج
أحب شخص لقلبك فى هذه الحياة ؟
أمى طبعا وبالتأكيد وعلى طووووووووول
انسان مستعد تضحى بحياتك علشانه ؟
بدون تفكير برضه : أمى
انسان كرهته لدرجة الجنون وتمنيت لو تمسك سكينة وتغرزها فى قلبه وتقف تبص لجثته وتشفى غليلك ؟
أنا بطبعى قلبى مش أسود
بس فيه شخصية آذتنى جدا وبلغ الأذى مداه وأتمنى أعمل مع الشخصية دى كل ده
ما هو اسم أجمل كتاب كتبه بشر قرأته ومحتفظ به حتى الآن ؟
كتاب لأنيس منصور اسمه : يا من كنت حبيبى
أهم جهاز منزلى بتستخدمه كتير ومتعلق بيه ؟
الكمبيوتر حبيب الملايين
مكان تحس بالراحة عندما تدخله ؟
لما بادخل أصلى فى جامع
شىء تحس بالراحة النفسية عندما تنظر اليه ؟
البحر والطيور
مكان تحس فيه بالحنين الى شىء لا تدرى ما هو ؟
بيت العيلة فى بلدنا
أجمل مدينة زرتها داخل مصر ؟
شرم الشيخ
أجمل مكان طبيعى رأيته فى مصر ؟
البرزخ اللى فى رأس البر
شخصية كارتونية بتحبها ؟
دونالد .. غباؤه غير عادى بس بموت فيه
نوع هاتفك المحمول
نوكيا 7610
سرعة بروسيسور جهازك وحجم الهارد ؟
ايه وجع الدماغ ده
المساحة التى تشغلها المواد الاسلامية على جهازك ؟
لا بأس بها
عندى القرآن كامل بصوت الشيخ جبريل وموسوعة الحديث النبوى الشريف
بالاضافة الى بعض الأذكار والأدعية والرقية الشرعية
وبشكل عام أحب أمسك كتاب من كتب الدين أكتر ما أقرأ على الكمبيوتر
نفس المساحة السالف ذكرها فى قلبك ؟
دى حاجة بينى وبين ربنا مفيش حد له الحق انه يسألنى عنها
أهم هدف فى حياتك الآن ؟
انى أنجح فى شغلى ودراستى العليا وأتمنى ربنا يكرمنى بالزوج الصالح
مواصفات فتى الأحلام بالنسبة لك ؟
طيب وابن حلال .. يحبنى ويتقى ربنا فيّا
وعلى فكرة أنا لسه مؤمنة بقصة فارس الأحلام اللى يحتوي ويجيب ورد
والاقى جنبه الحماية ومعاه التفاهم
ويساعدنى اننا نبنى أسرة سعيدة مستقرة
صف ما يأتى
شعورك لما بتسمع كلمة مصر ؟
قصة الحب بينى وبين البلد دى مش أى كلام يوصفها
لما بتسمع كلام عن اليهود ؟
لأ نعدل السؤال .. لما بسمع عن الصهاينة
بحس انى عايزة أقطعهم بأسنانى
لما بتشوف ضابط شرطة ؟
عادى .. زى أى مهنة فيها الكويس والوحش
لما بتشوف الكناس العجوز فى الطريق ؟
بحركة لا ارادية بعدى جنبه وأقول له الله يعينك
أفكارك تجاه شاب لابس جلبية بيضاء قصيرة وفى ايده مصحف وفى جيبه السواك وله لحية ؟
مش الزى اللى بيحدد قوة الايمان المهم الاحتشام واللى فى القلب
احساس يراودك فى اشارة مرور مغلقة بسبب مسئول كبير ؟
طبعا بتضايق لأنى معتقدش ان ده بيحصل غير عندنا بس
نبلى مين بقى بالتاج ده ؟
posted by voice of love @ 5/19/2007
18 Comments:
At Sat May 19, 03:55:00 PM 2007 ,
Ma 3lina said...
هههههه مبروك التاج عقبال الى جاى ان شاء الله
ميرسى على التاج هجاوبه قريب
At Sat May 19, 11:32:00 PM 2007 ,
مـحـمـد مـفـيـد said...
شكرا يا داليا علي التدبيسه
ربنا يسامحك
At Sun May 20, 02:24:00 PM 2007 ,
Rosa said...
ماتقوليش بلوه يا داليا انا بحب التاجات قوي ,بعرف فيها الناس اكتر
وبالذات بقا لما تقريه من حد بتحبيه وانا بحبك يا داليا و بستمتع بمدونتك جدا
وبجد عجبتني ردودك قوي في التاج
عرفتني اكتر من داليا
تحياتي
:)
At Sun May 20, 02:30:00 PM 2007 ,
Eman Eltaher said...
معلش التاجات دى بتبقى رخمة شوية بس الحمد لله التاج ده مش رخم زى التاجات التانية
اجاباتك كانت حلوة و بحيييكى انك من عشاق البحر و الطيور ... أنا برضه من عشاق البص على النيل و مية البحر ا( الصافية أكيد ) و من عشاق حاجة اسمها الطيور
بحيييكى تانى و يارب أكون من أصدقائك بعد كده
بشرط ماتدبسنيش ف تاج !!!!!! لوووووووول
At Mon May 21, 03:33:00 PM 2007 ,
Dalia said...
اجاباتك كلها لذيذه اوى
At Mon May 21, 11:27:00 PM 2007 ,
admelmasry said...
اولا التاج جامد ودا رايي في كل اللي خدوا التاج
.
.
.
والاجابات برده حلوة
بس ياريت تراجعي عقلك بخصوص الشخصية الشرانية دي
.
.
انا عارف ان قلبك كبير وبتسامحي
هههههههههههههه
.
.
.
تحياتي ليكي والسلام
ادم المصري
اول دكتور احه
مدون غير منحاز
At Tue May 22, 09:18:00 PM 2007 ,
david santos said...
Please, it puts fhoto of Madeleine in your Bloggue
Missing Madeleine!
Madeleine, MeCann was abduted from Praia da Luz, Portugal on 03/03/07.
If you have any information, please contact Crimestoppers on
0800 555 111
Please Help
At Wed May 23, 04:08:00 AM 2007 ,
عشقك ندي said...
مش عارف ليه اغلب المدونين صيادلة هما بيدرسوا التدوين عندكوا
عموما اهلا داليا
وجميلة جدا ردودك بس يا ريت تكوني صادقة فيها مع نفسك ساعات الواحد بيشتغل نفسه وهو مش داري
نصيحة سيبك من حكاية فارس الاحلام دي ولو جه حد كويس خلصي علي بركة الله
At Thu May 24, 12:52:00 PM 2007 ,
AHMED SAMIR said...
الف شكر على الاستجابة للتاج
تحياتي ليكي وربنا يوفقك
At Fri May 25, 09:54:00 PM 2007 ,
Rosa said...
تاج ظريف و ردود أظرف و أحلى D:
At Mon May 28, 05:27:00 PM 2007 ,
Anonymous said...
انتي يا هانم
عملانة ادور علي اسمي
مش لاقياه المفروض تقولي احب انسان هي سمرا
احب حاجة كلامي مع سمرا كدة يعني
ههههههههه
وحشاني اوي علي فكرة
At Tue May 29, 06:38:00 AM 2007 ,
صاحب البوابــة said...
اجابات جميلة تعكس شخصية ناضجة
تحياتي
At Tue May 29, 08:06:00 AM 2007 ,
Anonymous said...
ياااااااااااا سيدى على الاجابات
وحشانى يا قمر
At Fri Jun 08, 06:40:00 AM 2007 ,
allfollowsome said...
داليا
اجاباتك
دبلوماسية احيانا
وصريحة احيانا
وغريبة احيانا
الرومانسية قلت شوية
!!!!!
At Sat Jun 09, 11:28:00 PM 2007 ,
مـحـمـد مـفـيـد said...
والله عارف اني مقصر في الرد علي التاج بس صدقيني ده عايز بال رايق
معلش يا داليا
:)
At Sun Jun 10, 10:35:00 PM 2007 ,
Anonymous said...
Dollyyyyyyyyyzzzzzzzz
leeky wa7sha ya benty ana lesa fi el exams
gamed el newlook beta3 el blog masha Allah :))
w 7asah in your answers more self-control and strength masha Allah :)
At Thu Jun 14, 01:25:00 AM 2007 ,
lover mado said...
اجابات كويسه واتمنى لك حياه موفقه
At Sun Jul 01, 07:27:00 PM 2007 ,
حقى اهرتل said...
ما علينا
Post a Comment
Subscribe to Post Comments [Atom]
<< Home