voice of love

Sunday, May 06, 2007

سأكتفى بالمشاهدة

عندما لا تجد لحياتك غاية

عندما تقفل القلوب عن سماعك

عندما لا تجد اليد التى لا تمسح دموعك

قبل أن تتساقط من على خديك

متناثرة فى الأرجاء

ترسم صورة لمأساتك

تحكى جزءا من همومك وأحزانك

دموع من نار

تحمل حرارة النار التى تجول فى صدرك

تحمل الأثكال التى يختزنها قلبك

عندما تكون هكذا

وعندما تنهال من عينيك هذه الدموع

وتترك لعينيك العنان

لتذرف هذه الدموع الحارقة

فلم يعد هناك من يسمعك

ولم يعد هناك من يمسح دمعتك

فلك أن تتحدث أنت وقلبك لوحدكما

وأن تمسح بنفسك دمعاتك

وان لم تفعل ذلك

فلا تأمل فى حل أفضل

فربما عصرنا قد خلا من المعجزات

أو ليس من معجزات عصرنا

أن تشعر بدفء انسان من حولك

أن تجد من يشاطرك كل ما يختلج به فؤادك

هذا هو واقعنا

نحيا فى غربة نفسية

حتى ونحن فى وسط أحبابنا

نحيا فى وحدة أبدية

هذا ما رأته عيناى

والآن لك الخيار

فاما أن تأسى لنفسك

وتداوى جرحك النازف وحدك

أن تعيش ترثى نفسك

وتؤنس نفسك فى وحدتك

واما لتختار الموت

فهو أقرب بكثير

من أن تفكر فى قلب يستطيع احتمالك

ولأنى لا أملك الاختيار

ويصعب علىّ اتخاذ القرار

فسأكتفى بالمشاهدة

ملحوظة : عثرت على هذه الورقة بين أوراقى المبعثرة

ولا أذكر كيف ومتى ولأى سبب كتبتها

ولكنها تعبر عن حالة

16 Comments:

  • At Sun May 06, 07:48:00 AM 2007 , Blogger Yasser Hussein said...

    ياريت تنشري كل أوراقك المبعثرة طالما بهذا المستوى العالي من الاحساس
    سعدت بزيارتك لمدونتي واتنمنى ان تكونى من اصدقاء المدونة الدائمين
    إن شاء الله
    خالص تحياتي

     
  • At Sun May 06, 06:21:00 PM 2007 , Blogger Ayyam said...

    داليا الكلام ده صعب قوى دا أنا أكتأبت لما قريته.. الحمدلله أن دى مش حالتك دلوقتى...
    أوعى يكون مشرف الرساله واجع دماغك شويه...قولي عليه وأنا أخلى صحابى فى الجامعه يخلصوكى منه بإسرع وقت..

    بالمناسبه كل ماتلاقى ورقه فيها كلام صعب زى ده حاولى تتخلصى منها أحسن

     
  • At Mon May 07, 07:53:00 AM 2007 , Blogger الربان said...

    تحياتي

    تجربة و مشاعر انسانية...جميل اننا ندون مشاعرنا في لحظة معينه... فهي و سيلة لاخراج انفعالاتنا النفسية...
    الدموع الحارة تطهر القلب ...و الالم يطهر النفس... و الالم و الدموع يتركا الانسان و هو صاف الفؤاد...

    تحياتي و تمنياتي لك و للجميع بموفور السعادة...

     
  • At Tue May 08, 12:06:00 AM 2007 , Blogger Rosa said...

    يااااااااااه ,تلمس القلب وتنطق القلب
    ازاي حد يكون بالمشاعر الجميلة دي وميلاقيش الي يمسح دمعته ولا يأنس وحدته
    مش هقلك غير ان مافيش غير ربنا هو الي نلجأله ويكون سندنا .هو الوحيد الي يعرف الي بينا والي في قلوبنا
    تحياتي ,ويا ريت لو في ورقة مبعثرة تانيه تشاركينا بيها
    اشكرك بجد واحبك في الله :)

     
  • At Tue May 08, 03:01:00 PM 2007 , Blogger chico said...

    انتى اسلوبك حلو قوى بس ياريت يكون الكلام ده مش بيعبر عن حالتك دلوقتى لأن الكلام ى شىء من اليأس
    عموما ياريت تزورى مدونتى و تشاركينى برأيك

     
  • At Wed May 09, 01:07:00 AM 2007 , Blogger كلام لوجيك said...

    عجبتنى جدا كلماتك يا دكتورة
    لإنها لمست وتر حساس فى قلبى
    ورغم انها تعبر عن الم ووحدة الا انكى برعتى فى وصف تلك الحالة
    وعزائي الوحيد انها قصاصات قديمة
    اي ان تلك اللحظات المزعجة قد مرت منذ زمن

    اتمنى لكى دوام الراحة النفسية والسعادة الابدية

    خالص تحياتى ودمتى بكل خير

     
  • At Wed May 09, 01:11:00 AM 2007 , Blogger كلام لوجيك said...

    ملحوظة اخيرة

    ارجو الا تطول فترة اجازتك الاختيارية
    وان تعودي بعدها ممتلئة بالنشاط التدوينى وقوة الدفع الذاتى التى تمكنكى من انتاج اجمل الابداعات والبوستات الرائعة

     
  • At Thu May 10, 03:17:00 AM 2007 , Blogger šσяšαяαα said...

    ياجماااااعه العملية مش ناقصة كآبه بالله عليكو

    احنا على كدا نعمل رابطة البؤساء فى الارض

    على العموم ربنا يصلح حالنا جميعا

    وياريت تشاركى معانا فى المسابقه
    التصويت هينتهى خلال يوم
    مش عارفه انتو فين بس
    عاااااااااااااا

     
  • At Fri May 11, 02:37:00 AM 2007 , Blogger great love said...

    ما أروعك

     
  • At Sat May 12, 01:33:00 PM 2007 , Blogger الله كريم said...

    وجدت لك بالمصادفة بوست فى مسابقة أفضل موضوع وكان رقيقا جدا
    لذلك كان لازم أزور المدونة وأسجل اعجابى بما تكتبيه

     
  • At Sat May 12, 01:37:00 PM 2007 , Blogger الله كريم said...

    very very nice words

     
  • At Sat May 12, 03:36:00 PM 2007 , Blogger صاحب البوابــة said...

    كلمات جميلة

    تحمل احساساً معبراً

    تحياتي

     
  • At Sat May 12, 06:24:00 PM 2007 , Blogger david santos said...

    Thanks for you woek and have a good weekend

     
  • At Mon May 14, 01:18:00 AM 2007 , Blogger Van Gogh said...

    وصلت الى المرحلة دى فى يوم من ذوات الأيام...واقتنعت بان المستحيل التالت حقيقى...الخل الوفى
    لكن بعد كام سنة...اكتشفت ان الحكاية لسة مخلصتش
    وبقى فيه كام صاحب كدة...زى الفل
    اول مرة ازورك...لقيتك بتدافعى عن الصيادلة بأستماتة...عجبتنى روحك..واعتزازك بمهنتك
    وعجبنى الاحساس اللى حسيته فى كلامك فى البوست الأخير
    اول زيارة بس اكيد مش الأخيرة

    زميل مهنة

     
  • At Mon May 14, 03:57:00 AM 2007 , Blogger Rosa said...

    فعلاً لمستي الوتر الحزين داخل نفسي متهيألي الحالة دي بتعبر عن كتيييييييييييير مننا بس صدقيني في أوقات الدموع و الكلام مع القلب بتكون نعمة لانها على الأقل بتخرج الكبت و تفضفض عن الاكتئاب اللي جوا الواحد و ساعات حتى الدموع و الفضفضة مع النفس دي بتكون صعبة.

     
  • At Wed May 16, 02:54:00 AM 2007 , Blogger أسوور said...

    ومن منا يملك خيار حياته
    كلنا يا سيدتى نسيرون فى هذه الحياة
    ورغم اننا ندرعى اننا نختار الا ان الحقيقة واضحة وجلية
    نحن مجرد دمى فى يد القدر
    تحياتى

     

Post a Comment

Subscribe to Post Comments [Atom]

<< Home